VoLTE

VoLTE – aukin gæði yfir farsímakerfi Símans

Á næstu vikum mun Síminn virkja VoLTE (Voice over Long-Term Evolution) í auknum mæli hjá viðskiptavinum sínum sem þýðir aukin hljómgæði símtala. Um er að ræða næstu kynslóð talsíma yfir farsímakerfi og mun símtaið fara yfir 4G og 5G kerfi Símans í stað þess að nýta 2G og 3G kerfin áður. VoLTE er nauðsynlegt til að tryggja hnökralausa upplifun t.d. í reiki í Bandaríkjunum en fjarskiptafélög þar í landi hafa hafið að slökkva á 2G og 3G kerfum sínum.

Styður tækið mitt VoLTE?

Til að nýta VoLTE þjónustu Símans þarf símtækið að styðja VoLTE en flest símtæki sem komið hafa á markað síðustu ár styðja VoLTE. Ef þú ert ekki viss má leita upplýsinga á heimasíðu framleiðanda eða fá aðstoð í þjónustuveri Símans. Nauðsynlegt er að tryggja að síminn þinn hafi allar nýjustu uppfærslur sem í boði eru.

Dæmi um tæki sem styðja VoLTE hjá Símanum:
  • Apple iPhone 8 og nýrri útgáfur
  • Samsung Galaxy S10 og nýrri útgáfur
  • Samsung A týpur, þriggja ára og yngri
iPhone símar með stýrikerfi iOS 16 eða nýrra ættu sjálfkrafa að vera með kveikt á VoLTE. Til að kveikja á VoLTE þarf að:
  • Fara í settings
  • Smella á Cellular
  • Tryggja að kveikt sé á Cellular Data
  • Smella á Cellular Data Options
  • Smell á Voice & Data
  • Tryggja að hak sé við 4G/LTE eða 5G Auto/5G On.
  • Ef það er sérstakt VoLTE hak þarf að tryggja að kveikt sé á því.
Fyrir Android tæki:
  • Fara í Settings
  • Smella á Network & Internet eða Connections
  • Smella á Call. Gæti einnig heitið t.d. Cellular Network, Mobile Network eða Mobile Data
  • Smella á Preferred Network Type eða Network Mode
  • Velja 4G/LTE eða 5G og virkja VoLTE/HD Voice eða Enhanced Calling.
Skýringarmynd1Skýringarmynd2