Tilbaka
Heimilispakkar
Tilbaka
Sími
Tilbaka
Net
Tilbaka
Sjónvarp
Tilbaka
Fyrirtæki
Tilbaka
Síminn Pay
Tilbaka
Tilbaka
Tilbaka
Heimilispakkar
Heimur fjarskipta er í stöðugri þróun, en gott og öruggt samband er orðinn einn mikilvægasti þáttur í okkar daglega lífi. Auknum hraða fylgir ný tækni og við erum sífellt að byggja upp öfluga farsímanetið okkar til þess að styðja við þessa þróun. 5G kerfi Símans nær nú til nær allra þéttbýlissvæða á Íslandi og við erum hvergi nærri hætt.
Við innleiðingu nýrrar tækni þarf oft að kveðja þá eldri og því er stefnt að lokun 2G og 3G kerfa á Íslandi á næstu misserum. Áætlað er að 2G og 3G kerfin kveðji með öllu í lok árs 2025, en þau eru komin til ára sinna og hafa sinnt hlutverki sínu vel um allt land. Nú er ný og betri tækni tilbúin til að taka við keflinu og færa notendum meiri hraða, lægri svartíma og betri upplifun.
Með því að loka 2G og 3G getum við bætt þjónustu á 4G og 5G með skilvirkari notkun á kerfinu. Við höfum nú þegar kynnt VoLTE til leiks sem skilar auknum hljómgæðum símtala en þá fara símtölin yfir 4G og 5G kerfi Símans í stað 2G og 3G áður.
Þessi þróun er ekki einungis á Íslandi en mörg fjarskiptafélög erlendis eru nú þegar búin að slökkva á 2G og 3G. Því er mikilvægt á ferðalögum erlendis að hafa símtæki sem styður VoLTE og að það sé virkt í símtækinu því annars gætu komið upp vandamál tengd símtölum erlendis.
Við mælum með að kanna tímanlega hvort að símtækið þitt styðji 4G VoLTE. Ef ekki, þá bjóðum símtæki sem styðja 4G VoLTE á sérkjörum fyrir þig í vefverslun hér að neðan.
Ef þú ert með mjög gamalt simkort þá gæti þurft að skipta því út fyrir nýtt. Þú getur nálgast nýtt simkort í næstu verslun Símans eða hjá endursöluaðilum úti á landi.
Önnur tæki sem gætu verið að nota 2G og 3G og gæti þurft að uppfæra eru til dæmis öryggiskerfi, hlið í sumarbústaðnum, skynjarar og mælar, neyðarhnappar og svo framvegis.
Við mælum með að skoða hvaða lausnir eru í boði fyrir þig hjá sölu- eða þjónustuaðila þeirra tækja sem þessar breytingar gætu haft áhrif á.
Í einhverjum tilvikum er hægt að koma búnaði yfir á WiFi, hægt gæti verið að skipta um módem sem styður við nýrri tækni og í versta falli gæti þurft að skipta búnaði út.
