"
Stórir jarðskjálftar hafa skilið eftir sig slóð eyðileggingar og hörmunga í Sýrlandi og Tyrklandi. Við slíkar aðstæður skiptir sköpum að geta átt í samskiptum, bæði fyrir viðbragðsaðila og þau sem verða fyrir beinum áhrifum af þessum hörmungum.
Til að sýna stuðning í verki mun Síminn því fella niður allan kostnað vegna símtala og SMS skilaboða til Sýrlands og Tyrklands ásamt því að fella niður kostnað vegna fjarskiptanotkunar hjá þeim viðskiptavinum Símans sem staddir eru í Tyrklandi eða Sýrlandi.
Breytingin tekur gildi afturvirkt frá 1. febrúar og gildir til 28. febrúar.
