Aðstoðarsíður

Til að breyta lykilorði á simnets netfangi þarf að skrá sig inn á þjónustuvefinn. Þar undir Internet áskrift og Þjónustur í boði finnur þú lið sem heitir Tölvupóstur. Smelltu á Tölvupóstur og Nýtt lykilorð og settu inn nýtt lykilorð. Skráðu þig inn á þjónustuvefinn hérna og þú ferð beint inn á síðuna til að breyta netfanginu. Allir hafa aðgang en við mælum með rafrænum skilríkjum.

Til að skoða simnets netföng þarf að skrá sig inn á þjónustuvefinn. Þar undir Internet áskrift og Þjónustur í boði finnur þú lið sem heitir Tölvupóstur. Smelltu á Tölvupóstur og þá birtast þau netföng sem eru skráð.

‍
‍Skráðu þig inn á þjónustuvefinn hérna og þú ferð beint inn á síðuna til að breyta netfanginu. Allir hafa aðgang en við mælum með rafrænum skilríkjum.

Á forsíðu siminn.is er innskráning fyrir Vefpóst Símans. Þar slærðu inn netfang og lykilorð.
Ef þú manst ekki netfangið eða lykilorðið getur þú skoðað þær upplýsingar inn á þjónustuvefnum. Allir viðskiptavinir hafa aðgang.

Fara á þjónustuvefinn

Í innhólfið fer allur tölvupóstur sem sendur er til þín.

• Til að opna póst smellir þú einfaldlega á hann.
• Til að eyða pósti úr pósthólfinu smellir þú á póstinn og velur hnappinn Eyða sem er staðsettur fyrir ofan pósthólfið. Einnig er hægt að hægri-smella á viðkomandi póst.

Athugaðu að pósthólfið þitt hefur takmarkaða stærð (venjulega 5 GB) og því er gott að eyða pósti með reglulegu millibili.

Til að skrifa nýjan tölvupóst þarf að smella á Nýtt skeyti uppi í vinstra horninu á skjánum. Þegar skeyti er sent fer það í möppu í pósthólfinu þínu sem heitir Sent. Með því að opna þá möppu geturðu skoðað þau skeyti sem þú hefur sent úr vefpóstinum.

Hægt er að vista tölvupóst án þess að senda hann. Það er gert með því að velja Vista drög. Eftir það er tölvupósturinn aðgengilegur í möppunni Drög, og hægt að nálgast hann til að breyta og/eða senda síðar.

Til þess að festa skjal úr tölvunni þinni við skeyti sem á að senda skal smella á Hengja við, velja Mín tölva og finna svo skrána sem festa á við póstinn.

Vefpósturinn býður upp á póstsíu. Til þess að búa til nýja póstsíu skal velja Stillingar og svo Síur. Því næst skal smella á Create Filter. Þá sprettur upp nýr gluggi þar sem hægt er að velja ýmsa valkosti fyrir síuna.

Vefpósturinn býður upp á fullkomna netfangaskrá. Til að komast í netfangaskrána smellir þú á flipann Netfangaskrá efst.

Til að búa til nýjan tengilið er smellt á hnappinn Nýr tengiliður uppi í vinstra horninu.
Inni á tengiliðaspjaldið er svo hægt að setja inn ýmsar upplýsingar eins og fornafn, eftirnafn, titil, fyrirtæki, netfang, símanúmer og fleira.

Vefpóstinum fylgir dagatal. Dagatalið er hægt að nýta sér til þess að halda utan um fundi, klippingu og afmælis daga, svo eitthvað sé nefnt, með því að smella á viðeigandi dagsetningu og tíma í dagatalinu og skrá í viðeigandi upplýsinga reiti.
Ef áminning er sett á ber að hafa í huga að hún virkar bara ef notandi er skráður inn á vefpóstinn sinn á þeim tíma sem áminningin verður virk.

Hér er möguleiki á að halda utan um verkefni sem verið er að vinna. Verkefni er skráð með því að smella á Nýtt verkefni, fyllt er í þá valmöguleika sem á að nota og smellt á Vista til að loka. Hægt er að bæta viðhengjum við verkefnið, t.d. Excelskjali, myndbroti, hljóðskrá o.s.frv.

Hér er hægt að geyma skrár af öllum gerðum. Þetta er sérstaklega þægilegt ef geyma á viðkvæm skjöl sem ekki mega glatast t.d. ef að harður diskur í tölvu eyðileggst. Skrám er hlaðið upp með því að smella á Nýtt skjal eða Hlaða inn skrá smellt er á Choose files og skráin fundin. Síðan er smellt á Í lagi. Gott er að hafa í huga að því stærri sem skráin er því lengur getur tekið að hlaða henni upp. Einnig ber að vara sig á því að þær skrár sem fara inn á vefpósthúsið taka pláss beint af pósthólfinu. Sé pósthólfið t.d. tómt og hlaðið er upp skrá sem er 1GB að stærð þá fyllist pósthólfið og tekur ekki lengur við pósti.

Vefpósturinn getur verið á nokkrum tungumálum. Sjálfvalið tungumál er íslenska. Til að breyta tungumáli vefpósthússins er farið í Stillingar og flipinn Almennt valinn. Valmöguleikar eru sýndir í flettiglugganum Tungumál. Breytingin verður sýnileg næst þegar þú skráir þig inn.

Til að breyta lykilorði á simnets netfangi þarf að skrá sig inn á Þjónustuvefinn. Þar undir Internet áskrift og Þjónustur í boði finnur þú lið sem heitir Tölvupóstur. Smelltu á Tölvupóstur og Nýtt lykilorð og settu inn nýtt lykilorð. Skráðu þig inn á þjónustuvefinn hérna og þú ferð beint inn á síðuna til að breyta netfanginu. Allir hafa aðgang en við mælum með rafrænum skilríkjum.

Opna Mac Mail
Opnið Mac Mail og farið í Mail sem er í valstikunni efst á skjánum og veljið Preferences.

Uppsetning
‍Þegar komið er inn á stjórnborðssíðuna fyrir pósthólfin er smellt á plúsinn neðst í vinstra horninu.

Veldu tegund póstþjónustu
‍Þú byrjar á því að velja tegund póstþjónustu, sem er Add other mail account.

Fylltu út upplýsingar
Full name: Það nafn sem birtist þegar þú sendir tölvupóst.
Email Address: @simnet.is notendanafnið þitt.
Password: Lykilorðið fyrir netfangið þitt.

Einnig þarf að skrá:

• Hvort nota eigi POP eða IMAP til að meðhöndla póst.
• Lýsandi nafn á pósthólfinu (getur verið hvað sem er).
• Póstþjóninn sem tengjast á.
• Notandanafn og lykilorð.

Settu inn nafn á póstþjóni
‍Hér er settur inn sá póstþjónn sem á að senda póst út í gegnum.

• Setjið inn lýsandi nafn fyrir póstþjóninn (getur verið hvað sem er).
• Setjið inn slóð þjónsins (postur.simnet.is fyrir Símann).
• Hakið við Use Authentication og skrifið inn notendanafn og lykilorð í viðeigandi reiti

Stilltu útþjón
‍Á stillingarsíðu útþjóns skal gera eftirfarandi:

• Veljið postur.simnet.is.
• Smellið á Advanced við hlið Mailbox behaviours.
• Setjið bláa punktinn í Port og ritið inn töluna 587.
• Gangið úr skugga um að Authentication sé Password.

Nú ætti uppsetningu að vera lokið.

Uppsetning

Uppsetningin á Windows Live Mail svipar til eldri útgáfna og fylgir sama viðmótsstaðli og önnur Office forrit.

• Opnaðu Windows Live Mail
• Smelltu á örina í efra vinstra horninu
• Farðu í Options > Email Accounts

Nýr aðgangur

Veldu Add til að stofna aðgang.

Bæta við þjónustu

Veldu E-mail Account og því næst Next til að halda áfram.

Fylltu út upplýsingar

Email Address: @simnet.is notendanafnið þitt.
Password: Lykilorðið fyrir netfangið þitt.
Display name: Það nafn sem birtist þegar þú sendir tölvupóst.
Hakaðu síðan í Manually configure server settings

Stillingar fyrir póstþjóna

Server Type: Hérna skal velja IMAP sem þýðir að þú munt enn hafa aðgang að póstgögnum í vefpósthúsi. Það er hægt að velja POP en þá hreinsast pósturinn af póstþjónunum og fer inn á tölvuna.

• Server Address: postur.simnet.is og port:143
• Server Address í Outgoing: postur.simnet.is port 587
• Haka þarf í Requires authentication
• Smelltu á Next

Þá ætti uppsetningu að vera lokið og hægt að senda og sækja póst.

OUTLOOK 2016

Opnaðu Outlook
‍Opnaðu Outlook 2016 og veldu File og síðan Add account.

Uppsetning
‍Veldu Manual setup or additional server types og Next. Næst er hakað við Pop or IMAP og síðan aftur Next.

Fylltu út upplýsingar

• Your Name: Nafnið sem á að vera á tengingunni.
• E-mail Address: Netfangið þitt.
• Account Type: Við mælum með að hér sé valið IMAP. Einnig er hægt að velja pop3 en sömu stillingar eru notaðar og við IMAP.
• Username: Netfangið þitt.
• Password: Lykilorð fyrir tölvupóstinn þinn.

Hakaðu í Automatically test account settings og veldu More settings.

Póstþjónn
‍Næst er skrifað postur.simnet.is í Incoming mail server og Outgoing mail server. Velja OK.

Prófun
‍Veldu Next og athugaðu hvort það koma ekki upp græn hök eins og myndin sýnir og veldu Close.

Uppsetningu lokið
‍Veldu Finish og þá er uppsetningu lokið.

Hafa þarf eftirfarandi upplýsingar við hendina áður en uppsetning hefst:

• Netfang
• Lykilorð

Ef þú manst ekki lykilorðið getur þú farið inn á þjónustuvefinn. Allir viðskiptavinir hafa aðgang en við mælum með innskráningu með rafrænum skilríkjum. Skoða lykilorð á þjónustuvefnum.‍

Opna Mail
‍Í valmynd símans velur þú skjátáknið fyrir Mail, og því næst tegund pósthólfsins sem á að setja upp. Í þessu tilviki notum við @simnet.is netfang, þannig að við veljum Other.

‍Stillingar
‍Sláðu netfangið þitt inn í Email address reitinn og lykilorðið í Password og veldu því næst Manual Setup til að setja inn stillingar. Byrjaðu á því að finna efsta valmöguleikann POP og breyttu honum í IMAP.

Upplýsingar um póstþjón

Fylltu formið út á eftirfarandi hátt:

• Incoming mail server = postur.simnet.is
• User = Netfangið þitt
• Password = Lykilorðið að pósthólfinu þínu

Svo skaltu velja Next.

Nú þarftu að fylla út Outgoing server settings. Í Android er default stilling fyrir Port Number 25, en fyrir Simnets netföng er Outgoing Port Number 587. Í SMTP server skaltu setja postur.simnet.is og velja því næst Next.

‍Lokið við uppsetningu‍
Í reitinn Account Name skaltu slá inn það heiti sem þú vilt gefa pósthólfinu þínu og nafið sem þú vilt að birtist þegar þú sendir póst undir Your name. Smelltu svo á Finish Setup.
Nú ætti pósthólfið hjá þér að opnast ef allar stillingar hafa verið rétt uppsettar.

‍Pósthólfið opnað
‍Til að opna pósthólfið er smellt á skjátáknið á forsíðu símtækisins.

‍Viltu setja upp fleiri netföng
‍Ef þú vilt hafa fleiri netföng uppsett á símtækinu endurtekur þú ferlið hér að ofan.

Hafa þarf eftirfarandi upplýsingar við hendina áður en uppsetning hefst:

• Netfang
• Lykilorð

Ef þú manst ekki lykilorðið getur þú farið inn á þjónustuvefinn. Allir viðskiptavinir hafa aðgang en við mælum með innskráningu með rafrænum skilríkjum. Skoða lykilorð á þjónustuvefnum.

Opna Settings

Í upphafsvalmynd símans er skjátákn fyrir Settings. Þar er valið Mail, Contacts, Calendars eða Accounts & Passwords en það fer eftir útgáfu kerfisins hvað valmöguleikinn heitir.

‍

Velja tegund netfangs

Veldu Add Account. Því næst er að ákveða hvaða tegund af netfangi þú ert að fara að setja upp t.d. Gmail, Yahoo, Exchange eða jafnvel ekkert af þessu. Í þessu dæmi ætlum við að setja upp @simnet.is netfang og þar með veljum við Other.

‍

Stillingar

Veldu Add Mail Account og fylltu út formið.

• Name = Nafnið sem birtist þegar þú sendir póst.
• Address = Netfangið sem þú ert að setja upp.
• Password = Lykilorðið af póstinum.
• Description = Það sem þú vilt skýra uppsetninguna t.d. „Pósturinn minn“

‍

Póstþjónar

Fylltu formið út á eftirfarandi máta:

• Incoming mail server = postur.simnet.is
• user = netfangið þitt
• password = lykilorðið af pósthólfinu þínu
• Outgoing mail server = postur.simnet.is
• user = Ekkert
• Pass = Ekkert

Smelltu á Next og þá er uppsetningu lokið.

‍

Nálgast póstinn

Til að opna póstinn þinn, skaltu velja Mail skjátáknið sem er í aðalvalmynd símans og síðan það pósthólf sem þú ætlar að skoða.

‍

Viltu setja upp fleiri netföng?

Ef þú vilt hafa mörg netföng uppsett á símtækinu þá endurtekur þú bara ferlið hér að framan.