Sími
Útlönd
Góð ráð við notkun erlendis og upplýsingar um Ferðapakkann.
Tilbaka
Heimilispakkar
Tilbaka
Sími
Tilbaka
Net
Tilbaka
Sjónvarp
Tilbaka
Fyrirtæki
Tilbaka
Síminn Pay
Tilbaka
Tilbaka
Tilbaka
Heimilispakkar
Þegar þú ert í útlöndum er í flestum tilfellum ódýrara að móttaka símtöl að heiman heldur en að hringja heim. Enda þótt þú greiðir fyrir móttekið símtal erlendis þá er gjaldið lægra en þegar þú hringir heim. Mikilvægt er að kynna sér hvort viðbótargjald bætist við móttekin símtöl hjá viðkomandi fjarskiptafyrirtæki.
Þegar MMS skilaboð eða myndir eru sendar á samfélagsmiðla erlendis þá er um gagnanotkun að ræða og slíkt getur verið kostnaðarsamt ef skeytin eru stór. Hægt er að senda MMS skilaboð til útlanda ef móttakandinn er með íslenskt númer. Ekki er hinsvegar hægt að senda MMS úr íslensku númeri í erlend farsímanúmer.
Já! Gott sparnaðarráð er að aftengja talhólfið áður en þú ferð til útlanda, því þegar þú ert erlendis greiðir þú fyrir símtöl sem enda í talhólfinu þínu eins og um móttekin símtöl sé að ræða.
Sjá hér leiðbeiningar til að tengja og aftengja talhólfið þitt.
Ef ferðast er með ferju/skemmtiferðaskipi er yfirleitt um tvo kosti að ræða ef viðskiptavinir vilja nýta sér símaþjónustu um borð:
Við mælum með að viðskiptavinir kynni sér verðskrá hvers skips fyrir notkun WiFi um borð. Síminn sendir viðskiptavinum SMS skeyti með upplýsingum um hvað kostar að nota símann ef kveikt er á reiki. Við mælum alltaf með að viðskiptavinir hafi slökkt á reiki þar sem mjög dýrt er að nota símann í reiki úti á hafi.
Vegna kostnaðar sem getur hlotist vegna netnotkunar erlendis setur Síminn hámark á slíka notkun, sem við köllum reikiþak. Þakið er þrepaskipt og þú ættir að fá SMS þegar 80% af því er náð, nema þú hafir afþakkað tilkynningar.
Hafðu í huga að upplýsingaru m gagnanotkun erlendis geta verið allt að klukkutíma gamlar þegar þær berast og því getur reikningur mögulega verið hærri en þakið ef mikil notkun á sér stað á skömmum tíma.
Lokað verður fyrir gagnanotkun þegar eftirfarandi þrepum er náð:
Þú getur hækkað þakið upp í næsta þrep með því að hafa samband við þjónustuver Símans eða senda SMS í númerið 1900 með textanum "REIKI". Ekki er hægt að opna fyrir ótakmarkaða reikinotkun, en þú getur hækkað hámarkið fyrir fyrsta þrepið með því að hafa samband við þjónustuver Símans eða í verslunum okkar.
Ef hringt er úr einum íslenskum farsíma í annan í útlöndum greiða þau sem hringja fyrir símtal innanlands, líkt og ef viðkomandi sem hringt er í séu stödd á Íslandi.
Þau sem hringt er í og eru stödd erlendis greiða fyrir móttekið símtal samkvæmt verðskrá viðkomandi lands. Hægt er að fletta upp verðskrá hvers lands hér.
Gagnanotkun erlendis er almennt ekki innifalin í farsímaáskriftum heldur er greitt sérstaklega fyrir hana. Reiki í Evrópu lönd eru þó undanskilin og borgar sig að skoða verðskrár fyrir útlönd þar sem það gæti verði hagstæðara að kaupa Ferðapakkann.
Margir snjallsímar eru stilltir þannig að þeir sækja reglulega tölvupóst og GPS staðsetningu yfir Internetið. Í reiki getur verið gott að breyta þessum stillingum til að forðast óþarfa kostnað.
Símar sem hafa innbyggt GPS notast yfirleitt við stutt GPS (e. aGPS eða AGPS) sem þýðir að ef GPS er notað, fer síminn á Internetið (2G/3G) til að finna hvar hann er og fá nákvæmari staðsetningu. AGPS hraðar til muna ferlinu sem tekur að fá staðsetningu en getur líka verið mjög kostnaðarsamt í reiki.
Hægt er að slökkva á þessari virkni (AGPS) og nota eingöngu hrátt GPS, sem talar beint við GPS tunglin. Sé það ekki gert, notar GPS virknin Inter nettenginguna með tilheyrandi gagnamagni og kostnaðarálagi.
Við mælum með að slökkt sé á hringiflutningi í talhólf eða önnur númer.
Í langflestum tilfellum þarf ekki að hafa sérstaklega fyrir því að tengjast þjónustuaðila erlendis og þarf eingöngu að kveikja á símtækinu eða taka það af airplane mode þegar komið er á áfangastað.
Ef þú hinsvegar lendir í vandræðum og símtækið þitt nær ekki sambandi við þjónustuaðila þegar kveikt er á símanum getur verið að velja þurfi þjónustuaðila handvirkt.
Ef ferðast á til EES landa í Evrópu þá notar þú símann þinn alveg eins og heima á Íslandi.
Ef ferðast á til landa utan EES í Evrópu þarftu að skrá þig í þjónustuna „Frelsi í útlöndum“ þar sem símanotkun erlendis er greidd eftirá á símreikning. Skráningin fer fram á þjónustuvefnum eða í símaappinu.
Þar sem það getur verið dýrt að ferðast utan EES landa þá fylgjumst við með kostnaði vegna netnotkunar þar og látum þig vita reglulega með SMS-skilaboðum hver kostnaðurinn er orðinn.
Við mælum með að viðskiptavinir sem ferðast utan Evrópu skrái sig í Ferðapakkann sem er frábær leið til að lækka símkostnað á ferðalögum. Virkjaðu Ferðapakkann með því að senda textann “ferdapakki” í númerið 1900 og hann virkjast um leið og þú tengist þjónustuaðila í landinu.
Allir viðskiptavinir með frelsisnúmer í ÞRENNU sem eru eldri en 18 ára eru ávallt sjálfkrafa skráðir í þjónustuna Frelsi í útlöndum. Alltaf er hægt að aftengja þjónustuna þannig að ekki sé hægt að nota símann utan Íslands og EES landa.
Viðskiptavinir yngri en 18 ára í ÞRENNU eða með Krakkakort þurfa að skrá sig sjálfir með sms innskráningu á Þjónustuvef eða hringja í síma 550-6000 þar sem ávallt þarf eldri einstakling en 18 ára til að ábyrgjast eftirágreiddu notkunina erlendis. Ábyrgðarmaður getur óskað eftir því að þjónustan verði aftengd fyrir það Frelsisnúmer sem hann er í ábyrgð fyrir.
iOS
Android
Hægt er að nota Krakkakort og Frelsi erlendis. Það er gert með því að fara inn á Þjónustuvef og skrá Krakkakortið í áskriftarleiðina „Frelsi í útlöndum“. Það sem gerist þá er að erlenda notkunin er gjaldfærð á foreldrið sem er skráð fyrir aðalnúmerinu. Eftir að hafa skráð Krakkakortið í Frelsi í útlöndum er hægt að skrá símanúmer Krakkakortsins í Ferðapakkann.
Ferðapakkinn er frábær leið til að lækka símakostnað á ferðalögum til einstakra landa í Asíu, Ástralíu, N-Ameríku, S- Ameríku, Afríku og í Evrópulöndum utan EES. Sjá lista yfir innifalin lönd hér að neðan. Ferðapakkinn er bæði fyrir áskrift og Frelsi og þú sækir um hann í Símaappinu eða á Þjónustuvefnum.
Greitt er daggjald 1.000 kr/á dag sem eingöngu er greitt þegar þú ert í útlöndum og notar símann þar. Við sendum þér SMS ef fjöldi daggjalda í ferðalaginu nálgast 9.000 kr en þú getur alltaf fylgst með netnotkuninni í appinu okkar.
Þú greiðir aðeins 12 kr. fyrir mínútuna í símtölum til allra landa í pakkanum. Fyrir símtöl til landa utan pakkans gildir verðskrá viðkomandi lands sem hringt er frá. Gildir ekki um þjónustunúmer með aukagjaldi innlend eða erlend.
Þú greiðir engin upphafsgjöld, hvorki til Íslands, né annara landa sem eru í pakkanum.
Sendu eins mörg SMS og þú vilt í útlöndum. Það er innifalið í pakkanum.
Daggjaldið er ekki greitt ef notkun innan dagsins er undir 3 MB.
Í Ferðapakkanum eru 500 MB innifalin á dag. Ef 500 MB klárast, kemur sjálfkrafa 500 MB áfylling og aftur er greitt daggjald.
Gagnakort geta líka notað MB í Ferðapakkanum. Gagnakort sem samnýtir gagnamagn í einni farsímaáskrift, samnýtir einnig Ferðapakkann. Þegar að þú hefur skráð þig í Ferðapakkann virkjast hann um leið og þú tengist þjónustuaðila í landinu. Hægt er að skrá sig í Ferðapakka á Þjónustuvef Símans, í appi Símans og með því að senda sms-ið ferdapakki í 1900.
Fjarskiptafyrirtækin í Bandaríkjunum eru langt komin með að slökkva á 2G og 3G farsímanetum sínum og vegna þessa gætu viðskiptavinir Símans sem staddir eru í Bandaríkjunum upplifað einhverjar truflanir á símtölum yfir farsímanet. Símtöl yfir öpp eins og Messenger, Facetime, WhatsApp, Teams ofl. verða ekki fyrir áhrifum og eiga að virka eðlilega.
Til að koma í veg fyrir truflanir þarf að notast við VoLTE tækni en þá fer símtalið yfir 4G/LTE kerfi viðkomandi fjarskiptafélags. Ef síminn þinn styður VoLTE mælum við með að tengjast farsímaneti AT&T.
Ef síminn þinn styður ekki VoLTE mælum við með að tengjast neti T-Mobile. Ef þú ert með Frelsis áskrift hjá Símanum mælum við einnig með að velja farsímanet T-Mobile.
Flestir símar framleiddir 2018 og síðar styðja VoLTE. Ef þú ert ekki viss má leita upplýsinga á heimasíðu framleiðanda eða fá aðstoð hjá þjónustuveri Símans.
